شروط الخدمة

السياسات

• ملاحظات التوصيل : مندوب التوصيل هيحاول يوصلك الأوردر لحد 3 مرات. لو الـ 3 محاولات مانجحوش، الأوردر بيتلغي تلقائياً.
ياريت تخلي تليفونك متاح عشان نتفادى أي تأخير.
• أوردرات المرة الأولى
لو دي أول مرة تطلبي من عندنا واخترتي الدفع عند الاستلام (COD): هنأكد معاكي الأوردر عن طريق الواتساب. لو مالقيناش رد خلال 24 ساعة، الأوردر بيتلغي تلقائياً.
• الأوردرات الأكتر من 2000 جنيه
لو دي أول مرة تطلبي وقيمة الأوردر أكتر من 2000 جنيه والدفع عندالاستلام، هنأكد معاكي على الواتساب مع دفع المبلغ كامل عن طريقInstaPay قبل الشحن.

• التعديل على الأوردر

للأسف مش بنقدر نعدل على الأوردر بعد ما يتأكد. لو حابة تغيري أيحاجة، هتحتاجي تلغي الأوردر وتعملي أوردر جديد.

• إلغاء الأوردرات

● العملاء اللي عندهم تاريخ إلغاء مرتين أو أكتر، أو إلغاءاتمجموعها معدي 2000 جنيه، هيحتاجوا يدفعوا مقدماً (أونلاينأو InstaPay) في أي أوردر جاي.

● الحسابات اللي فيها إلغاءات متكررة بتبان عندنا تلقائياً، وبنحتاج دفع مقدم قبل الشحن.

● العملاء اللي بيلغوا أوردرات أكتر من اللي بيستلموها، ممكننضطر نحظر الحساب. وعشان الحساب يرجع يشتغل تاني، هيحتاج يستلم ويدفع أوردرات أكتر من اللي اتلغت.

• تعليمات استلام الأوردر

حفاظًا على حقك وعلى سلامة منتجاتنا ، ياريت متفتحيش الشحنة والمندوبواقف. أول ما تستلميها افحصيها براحتك، ولو فيه أي مشكلة تواصلي معاناخلال 24 ساعة.

● بنوعدك

تجربتك مع ماري تكون سهلة وممتعة، من أول ما تتفرجي على السايت لحدما تفتحي أوردرك في البيت. لو فيه أي حاجة مش عجباكي عرفينا، رأيكبيساعدنا نطور ماري ونخليها أحسن دايماً!

• سياسة الاسترجاع والاستبدال:

● الأوردرات ماينفعش تتفتح أو تتراجع والمندوب علىالباب.

● الاستبدال / التغيير مقبول فقط في الحالات دي:

○ المنتجات اللي فيها عيوب تصنيع أو تلف.

○ استلام منتج غلط.

○ استلام مقاس غلط (غير المقاس المكتوب فيالأوردر).

● الطلبات بتتنفذ خلال 3 أيام من استلام الأوردر.

● بتطبق مصاريف معالجة 50 جنيه + مصاريف الشحن.

شروط مهمة:

● المقاسات الخاصة والتفصيل غير قابلة للاستبدال كلياً، لأنهااتعملت مخصوص عشانك.

● مفارش وأغراض الأطفال غير قابلة للاستبدال إلا لو فيها عيبتصنيع.

● لأن كل منتجاتنا بتتعمل بالطلب، أي عربون مدفوع مابيرجعشلو الأوردر اتلغى من ناحية العميل.